ஹைக்கூ கிறுக்கல்கள்-பாகம் 4

Nee

“நீ” என்பது வெறும் வார்த்தை அதற்கு நீ தான் அழகு ஊட்டுகிறாய்

Source

பூக்கடையில் புத்தம் புது பூ மாலை ஒன்று கேட்டதாம்...

“நான் யாரிடம் செல்லப் போகிறேன் சாமியிடமா? சடலமிடமா?”

Destination 

அவ்வளவு பெரிய வானம் இருந்தும் 

பறவை தேடியது அதன் கூட்டை

Solitude

தனிமையாக இருந்தால் அமைதியாக இருக்கும் அமைதி இருக்காது

New Age Gita

எதை நீ விட்டு செல்கிறாயோ 

அதையே நீ கொண்டு செல்வாய்!

Shade

நிழல் தரும் மரத்திற்கு யார் நிழல் தருவார்?

Memories

எவ்வளவு வேகமாக சென்றும் நதியினால்

இழுத்துச் செல்ல முடியவில்லை

தன் மீது இருக்கும் நிலவின் பிம்பத்தை

Death is colorful 

வண்ணமில்லாத பட்டாம்பூச்சி எதிர் வந்த வாகனத்தில் மோதியது 

இறந்த பின் அதன் வண்ணம் சிவப்பு

Seek and Hide

காகிதத்தில்
எழுதும்
காதலை
என்னால்
மனதில்
காட்ட முடியவில்லை

Coffin box

நான் இழந்ததை எல்லாம் ஒரு பெட்டிக்குள் வையுங்கள் 

யாரோ ஒருவர் அதை திறக்கையில் என்னை காணட்டும்

Love hurts

மன்னியுங்கள்! அன்பாக இருந்து விட்டேன்

Unpredictable 

விடி காலை நேரங்களில் ஒரு உன்னதம் இருக்கிறது 

வரப்போகும் இருளை அறியாமல் பூக்கிறது சூரியன்

Painful Healing

ஆறிவிட்ட காயம் தான் அவ்வப்போது வலிக்கிறது

Oxbow Lake

உன் நினைவுகள் போலே, நான் தனிமையில் மிதந்தேன்,

நதி வளைவாய் ஓடி, உன்னை தேடி வந்தேன்.

Aasai

எனது நாட்குறிப்பிற்கு நடுவில் மறைத்து வைத்திருந்த 

மயிலிறகாய் நீ 

ஏமாற்றப்பட்ட சிறுவனைப் போல் நான்

Coward

இந்த காதல் கடிதங்களில் எல்லா பக்கங்களும் நிரம்பிவிட்டன 

பெறுநர் இடத்தில் மட்டும் ஒரு வெற்றிடம்

Kaatrukenna Velli

வேலி தாண்டி வந்த காத்த 

வெறுங்கைய்யா அனுப்பாதைய்யா

First Love

இதுவரை காதலிக்காத ஒருவனுக்கு 

அவன் கேட்ட போதெல்லாம் 

காகிதத்தில் கவிதை வரும் போது 

காதலை உணர்கிறான்

Freedom

இழப்பு சுதந்திரமானது 

உன் பிடியை இழந்த பட்டம் வானத்தில் பறக்கிறது 

உன் பாதங்களை இழந்த அலைகள் மீண்டும் கடலோடு சேர்கிறது

Jananam-Maranam

இலைகளை உதிர்த்த மரம் 

இறப்பை குறிப்பதா? 

வரப்போகும் பிறப்பை குறிப்பதா?

Mirror

உடைந்து போன கண்ணாடி துகள்களில் நட்சத்திரங்களாக தெரிகிறது நிலவு

Beware of Thieves

இரவை பத்திரமாக பார்த்து கொண்டதற்கு மாதம் ஐம்பது ரூபாய் கூர்காவிற்கு